"ЯШИЛ" ТАДБИРКОРЛИКНИ РИВОЖЛАНТИРИШНИНГ ЗАМОНАВИЙ ТЕХНОЛОГИК ЕЧИМЛАРИ

Мақолада “яшил” тадбиркорликни ривожлантиришда замонавий технологик ечимларнинг иқтисодий мазмуни, уларнинг кичик ва ўрта бизнес субъектлари ресурс самарадорлиги, харажатлари, маҳсулдорлиги ва рақобатбардошлигига таъсири тизимлаштирилган. Энергия тежамкор технологиялар, қайта тикланувчи энергия, рақамли ресурс мониторинги, нарсалар интернети, сунъий интеллект асосида оптималлаштириш, автоматлаштирилган ишлаб чиқариш, ёпиқ сув айланмаси, чиқиндиларни қайта ишлаш, саноат симбиози, рақамли кузатувчанлик ва маҳсулотнинг ҳаётий циклини бошқариш ечимлари таҳлил қилинган. Технологик ечимларни танлашда инвестиция сиғими, ресурс тежами, қайтиш муддати, технологик тайёрлик ва экологик натижани биргаликда ҳисобга олиш зарурлиги асосланган. Муаллиф томонидан “рақамли диагностика – ресурс йўқотишларини аниқлаш – технологик ечимни танлаш – молиялаштириш – жорий этиш – натижани рақамли мониторинг қилиш – тежамни қайта инвестициялаш” босқичларига асосланган ривожланиш механизми таклиф этилган.