BOSHLANG'ICH TA'LIMDA RAQAMLI TEXNOLOGIYALARDAN FOYDALANISHNING PEDAGOGIK ASOSLARI

Mazkur maqolada boshlang’ich ta’lim jarayonida raqamli texnologiyalardan foydalanishning pedagogik asoslari, didaktik imkoniyatlari va ta’lim samaradorligiga ta’siri tahlil qilingan. Raqamli texnologiyalarning o‘quvchilarning bilish faolligi, mustaqil fikrlashi, kommunikativ ko‘nikmalari, ijodkorligi va raqamli kompetensiyalarini rivojlantirishdagi o‘rni yoritilgan. Tadqiqotda raqamli ta’lim resurslari, multimedia vositalari, interaktiv platformalar, elektron baholash, gamifikatsiya, virtual ta’lim muhiti va sun’iy intellekt vositalaridan boshlang’ich ta’limda foydalanishning pedagogik imkoniyatlari o‘rganilgan. Shuningdek, raqamli texnologiyalarni samarali joriy etishning asosiy shartlari sifatida pedagogik maqsadga muvofiqlik, o‘quvchilarning yosh va individual xususiyatlarini hisobga olish, o‘qituvchining raqamli kompetentligini rivojlantirish hamda raqamli xavfsizlikni ta’minlash masalalariga e’tibor qaratilgan. Tadqiqot natijalari raqamli texnologiyalar an’anaviy pedagogik metodlarni almashtiruvchi emas, balki ularni boyituvchi va o‘quvchi markazli ta’limni kuchaytiruvchi vosita sifatida qo‘llanganda yuqori pedagogik samaradorlikka ega bo‘lishini ko‘rsatdi.