VERTIKAL O'QLI SHAMOL QURILMASINING SAMARADORLIGINI OSHIRISHDA VODOROD ENERGIYASINI INTEGRATSIYA QILISH

Ushbu maqolada vertikal o'qli shamol qurilmalarining samaradorligini oshirishda vodorod energetikasini integratsiya qilish imkoniyatlari tahlil qilingan. Shamol energiyasining o'zgaruvchanligi qayta tiklanuvchi energiya manbalaridan foydalanishda asosiy texnik muammolardan biri hisoblanadi. Mazkur muammoni yumshatishda ortiqcha elektr energiyasidan foydalanib, elektroliz orqali yashil vodorod ishlab chiqarish istiqbolli yechim sifatida qaraladi. Tadqiqotda vertikal o'qli shamol turbinasidan olinadigan elektr energiyasini elektroliz tizimiga yo'naltirish, vodorodni saqlash va talab yuqori bo'lgan davrda undan qayta elektr energiyasi olishning texnik imkoniyatlari ko'rib chiqilgan. Shuningdek, shamol qurilmasi, elektrolizyor, vodorod saqlash tizimi va yoqilg'i elementi o'rtasidagi energiya almashinuvi tahlil qilingan. Natijalar vertikal o'qli shamol qurilmasini vodorod energetikasi bilan integratsiyalash energiyani saqlash, elektr ta'minoti barqarorligini oshirish va qayta tiklanuvchi energiya manbasidan foydalanish ko'lamini kengaytirishga xizmat qilishi mumkinligini ko'rsatadi.