HUQUQIY DISKURS JANRLARINI O'RGANISH ASOSIDA TALABALARNING YURIDIK INGLIZ TILIDA YOZMA NUTQ KOMPETENSIYASINI RIVOJLANTIRISH

Maqolada huquqiy diskursning janriy xususiyatlarini yuridik ingliz tilini o'qitish jarayoniga tatbiq etish masalasi o'rganiladi. Yuridik ingliz tilini umumiy ingliz tilidan farqlovchi asosiy xususiyat faqat sohaviy terminologiyaning mavjudligi bilan emas, balki muayyan kommunikativ maqsadga xizmat qiluvchi barqaror matn turlarining shakllanganligi bilan izohlanadi. Shu jihatdan shartnoma, sud qarori, yuridik memorandum, da'vo arizasi, maslahat xati va huquqiy muammo yechimiga bag'ishlangan yozma javob kabi janrlarning kompozitsion, leksik-grammatik hamda pragmatik xususiyatlarini talabalarga tizimli o'rgatish zarurati asoslanadi. Maqolada janrga asoslangan o'qitishning "janrni anglash – matn tuzilishini aniqlash – lisoniy vositalarni tahlil qilish – boshqariladigan yozuv – mustaqil kasbiy matn yaratish" bosqichlaridan iborat modeli taklif qilinadi. Mazkur yondashuv yuridik terminlarni alohida yodlashdan huquqiy fikrni muayyan kasbiy janr talablariga muvofiq shakllantirishga o'tish imkonini berishi dalillanadi.