“BADIIY KULOLCHILIKDA GEOMETRIK VA O‘SIMLIKSIMON NAQSHLARNING QO‘LLANILISHI”

Mazkur maqolada badiiy kulolchilik buyumlarini bezashda geometrik va o‘simliksimon naqshlarning qo‘llanilishi, ularning kompozitsion tuzilishi hamda estetik imkoniyatlari tahlil qilinadi. Geometrik naqshlarning shakl, ritm, simmetriya va muvozanatni tashkil etishdagi o‘rni, o‘simliksimon naqshlarning tabiat shakllarini badiiylashtirish va dekorativ ifodalashdagi xususiyatlari yoritiladi. Shuningdek, naqshlarning kulolchilik buyumi shakliga moslashtirilishi, markaziy va yordamchi bezaklar o‘rtasidagi munosabat, rang uyg‘unligi va ritmik takrorlanishning badiiy yaxlitlikni ta’minlashdagi ahamiyati ko‘rib chiqiladi. O‘zbek milliy kulolchilik maktablarida shakllangan naqsh an’analari va ularning zamonaviy badiiy kulolchilikdagi talqini ham tahlil qilinadi.