TOLA AJRATGICH MASHINASINING QIYALI QOZIQLI BARABANIDA PAXTA BO'LAGINING UCHISH TRAYEKTORIYASIGA TA'SIR QILUVCHI PARAMETRLARNI TADQIQI

Ushbu maqolada tola ajratgich mashinasining qiyali qoziqli barabanidan paxta bo'lagi uchib chiqishining trayektoriyasi matematik modellash orqali tahlil qilingan. Tadqiqot ob'ekti sifatida n = 300÷400 ayl/min tezlikda va D = 140÷150 mm diametrda ishlaydigan barabanlar olingan. Balistik harakat tenglamalari asosida to'rtta parametr o'rganilgan: qoziq qiyaligi (Rq = 46÷50 mm), kelib tushish burchagi (α = 55°÷65°), baraban diametri (D = 140÷150 mm) va aylanish tezligi (n = 300÷400 ayl/min). Uzilish nuqtasi va uchish trayektoriyasining yakuniy nuqtasi uchun yopiq analitik yechim keltirilgan, bu esa parametrlarning ta'sirini sezgirlik tahlili orqali baholash imkonini beradi. O'lchamsiz Fruda soni yordamida parametrlar ierarxiyasi nazariy jihatdan asoslangan. Olingan grafik va sonli natijalar asosida parametrlarning o'zaro bog'liqligi aniqlangan, shuningdek aylanish tezligi trayektoriya shaklini eng kuchli o'zgartiruvchi omil ekanligi ko'rsatilgan. Optimal ish rejimi bo'yicha aniq tavsiyalar berilgan. Tadqiqot natijalari tola ajratgich mashinalarini loyihalashda va ularning ish rejimlarini optimallashtirishda amaliy ahamiyatga ega.