"O'ZBEK, RUS VA INGLIZ DIALEKTIZMLARIDA MILLIY-MADANIY KOMPONENTNING IFODALANISHI"

Ushbu tezis o'zbek, rus va ingliz tillaridagi dialektizmlarda milliy-madaniy komponentning ifodalanish xususiyatlarini qiyosiy jihatdan o'rganishga bag'ishlangan. Dialektizmlar muayyan hududga xos bo'lgan leksik birliklar sifatida tilning hududiy rang-barangligini namoyon etish bilan birga, shu hududda yashovchi xalqning tarixiy tajribasi, turmush tarzi, urf-odatlari, an'analari, kasb-hunari va dunyoqarashi haqida ham muhim ma'lumot beradi. Tadqiqotda dialektizmlarning semantik xususiyatlari hamda ularning tarkibidagi milliy-madaniy komponentlar tahlil qilinadi. O'zbek, rus va ingliz tillaridagi dialektal birliklar oziq-ovqat, kiyim-kechak, uy-ro'zg'or, kasb-hunar, tabiat, urf-odat va kundalik turmush kabi semantik guruhlar asosida qiyoslanadi. Tahlil natijalari dialektizmlarning til va madaniyat o'rtasidagi uzviy aloqani aks ettiruvchi muhim lingvistik birlik ekanligini ko'rsatadi.