O'ZBEKISTONDA YOSHLAR BANDLIGI VA ISHSIZLIGINING HUDUDIY TAFOVUTLARI: STATISTIK VA EKONOMETRIK TAHLIL

Ushbu ilmiy-tahliliy maqolada O'zbekiston Respublikasida yoshlar bandligining holati, mehnat bozoridagi hududiy nomutanosibliklar hamda ushbu tafovutlarni keltirib chiqaruvchi iqtisodiy, demografik va infratuzilmaviy omillar statistik hamda ekonometrik usullar yordamida chuqur tahlil qilinadi. Tadqiqotda Milliy statistika qo'mitasi (SIAT), Bandlik va kambag'allikni qisqartirish vazirligi, Jahon banki hamda Xalqaro Mehnat Tashkilotining (XMT) 1991–2026-yillarga oid rasmiy ma'lumotlaridan foydalanilgan. Ekonometrik model (Stata18) orqali Yalpi hududiy mahsulot (YaHM) va ishsizlik darajasi o'rtasidagi korrelyatsiya asoslangan hamda AR(1) modeli bo'yicha istiqbolli prognozlar keltirilgan. Shuningdek, Qoraqalpog'iston Respublikasining K-3 klaster tumanlari misolida hududiy differensial siyosat modelining samaradorligi baholangan.