ELEKTROMOBILLARGA TEXNIK XIZMAT KO'RSATISHNING ZAMONAVIY TEXNOLOGIYALARI VA ISTIQBOLLARI

Ushbu maqolada zamonaviy elektromobillarga texnik xizmat ko'rsatishning o'ziga xos xususiyatlari, diagnostika texnologiyalari va istiqbolli rivojlanish yo'nalishlari tahlil qilingan. Elektromobillar sonining ortib borishi bilan ularga sifatli texnik xizmat ko'rsatish, ayniqsa tortish batareyasi, batareyani boshqarish tizimi, elektr dvigatel, invertor, yuqori kuchlanishli elektr zanjirlari va issiqlik boshqaruv tizimlarining texnik holatini nazorat qilish dolzarb masalaga aylanmoqda. Maqolada elektromobil servisida kompyuter diagnostikasi, BMS tizimi, batareyaning zaryad holati va texnik holatini baholash, sun'iy intellekt, Internet of Things (IoT), prediktiv texnik xizmat ko'rsatish hamda raqamli egizak texnologiyalaridan foydalanish imkoniyatlari ko'rib chiqilgan. Shuningdek, O'zbekiston sharoitida elektromobillarga texnik xizmat ko'rsatish tizimini rivojlantirish, zamonaviy servis infratuzilmasini shakllantirish va malakali mutaxassislar tayyorlash masalalariga e'tibor qaratilgan.