RAQAMLI TEXNOLOGIYALAR SHAROITIDA TURLI AVLOD O'QUVCHILARINI HAMKORLIK ASOSIDA O'QITISH: TADQIQOT METODOLOGIYASI VA BAHOLASH KO'RSATKICHLARI

Mazkur tezisda raqamli texnologiyalar sharoitida turli avlod o'quvchilarini hamkorlik asosida o'qitish metodikasini tadqiq etishning metodologik asoslari yoritiladi. Tadqiqotda raqamli texnologiyalardan foydalanish, o'quvchilarning hamkorlikdagi faolligi, motivatsiyasi, kommunikativ va raqamli kompetensiyalari hamda o'quv natijalarini baholash asosiy mezonlar sifatida belgilanadi. Tadqiqot uchun aralash metodologik yondashuv, ya'ni miqdoriy va sifat metodlarini uyg'unlashtirish taklif etiladi. Natijalarni baholashda diagnostik test, so'rovnoma, kuzatuv, o'quvchilar faoliyati mahsulotlari va intervyudan foydalanish mumkin.