TERI KASALLIKLARIGA MOYIL INSONLAR UCHUN MAXSUS ANTIALERGEN TOLALI GAZLAMA ISHLAB CHIQISH

mazkur tezisda teri kasalliklariga moyil insonlar uchun mo'ljallangan maxsus antiallergen tolali gazlama ishlab chiqishning nazariy va texnologik asoslari tadqiq etilgan. Teri bilan uzoq vaqt bevosita kontaktda bo'ladigan gazlamalarning gigiyenik va fiziologik xususiyatlari insonning komfort holatiga sezilarli ta'sir ko'rsatadi. Gazlama tarkibidagi tolalar, bo'yoq va pardozlash vositalari, sirtning dag'alligi, namlikni boshqarish qobiliyati, havo va bug' o'tkazuvchanlik hamda teri bilan ishqalanish darajasi materialning teriga ta'sirini belgilovchi asosiy omillar hisoblanadi. Tadqiqotda tabiiy va sintetik tolalar kombinatsiyasidan tashkil topgan aralash tolali gazlamaga funksional ishlov berish orqali uning gigiyenik va antiallergen xususiyatlarini yaxshilash konsepsiyasi taklif etildi. Gazlamaning antiallergenlik xususiyatini shakllantirishda xomashyoni tanlash, sirtni modifikatsiyalash, gidrofillikni boshqarish, xavfsiz pardozlash va yakuniy yuvish jarayonlarining ahamiyati asoslandi. Natijada teri kasalliklariga moyil insonlar uchun mo'ljallangan gazlamani baholashning kompleks mezonlari ishlab chiqildi.