BO'LAJAK INGLIZ TILI O'QITUVCHILARINI INNOVATSION PEDAGOGIK FAOLIYATGA TAYYORLASHNING METODIK-PEDAGOGIK ASOSLARI

Bugungi globallashuv va raqamli transformatsiya sharoitida ta'lim tizimida yuz berayotgan o'zgarishlar pedagog kadrlarning kasbiy tayyorgarligiga qo'yiladigan talablarni tubdan yangilamoqda. Zamonaviy o'qituvchi endilikda nafaqat o'z faniga oid bilimlarni egallagan mutaxassis, balki ta'lim jarayonini mustaqil loyihalovchi, innovatsion pedagogik yechimlarni ishlab chiquvchi, raqamli texnologiyalarni pedagogik maqsadga muvofiq qo'llay oluvchi va ta'lim oluvchilarning mustaqil hamda kreativ faoliyatini tashkil etuvchi professional sifatida shakllanishi zarur. UNESCOning 2023-yilgi Global Education Monitoring hisobotida ta'kidlanishicha, raqamli texnologiyalar ta'limning mazmuni, o'qitish vositalari, baholash va ta'limni boshqarish jarayonlariga sezilarli ta'sir ko'rsatmoqda, biroq texnologiyalardan samarali foydalanish uchun o'qituvchilarni tegishli darajada tayyorlash zarurligi alohida uqtirilgan.[1]