RAQAMLI MUHITNING SHAXS IJTIMOIY XULQ-ATVORINING SHAKLLANISHIGA TA'SIRINING PSIXOLOGIK MEXANIZMLARI

Ushbu tezisda raqamli muhitning shaxs ijtimoiy xulq-atvorining shakllanishiga ta'sir etuvchi psixologik mexanizmlar tahlil qilinadi. Bugungi kunda internet, ijtimoiy tarmoqlar, messenjerlar va turli raqamli platformalar insonning kundalik muloqoti, axborotni qabul qilishi hamda atrofdagilar bilan munosabatlariga sezilarli darajada ta'sir ko'rsatmoqda. Raqamli muhitda shakllanadigan ijtimoiy tajriba shaxsning muloqot uslubi, ijtimoiy me'yorlarni qabul qilishi, o'zini namoyon etishi va boshqalarning fikriga munosabatida aks etadi. Shu nuqtayi nazardan, raqamli muhit ta'sirining psixologik asoslarini o'rganish shaxs ijtimoiy xulq-atvoridagi o'zgarishlarni tushuntirishda muhim ahamiyat kasb etadi.