TALABALARNING WEB-ILOVALARNI LOYIHALASHGA OID KOMPETENTLIGINI RIVOJLANTIRISH MODELI

Ushbu maqolada talabalarning web-ilovalarni loyihalashga oid kompetentligini rivojlantirish modeli va uning pedagogik asoslari yoritilgan. Zamonaviy raqamli muhitda web-texnologiyalarni bilish bilan bir qatorda, ularni amaliy masalalarni hal qilishda qo'llay olish, foydalanuvchi ehtiyojlarini tahlil qilish, web-ilova arxitekturasini ishlab chiqish, dasturlash, testlash va natijalarni baholash ko'nikmalari muhim ahamiyat kasb etadi. Maqolada web-ilovalarni loyihalash kompetentligining motivatsion, kognitiv, amaliy-operatsion va refleksiv-baholash komponentlari ajratib ko'rsatilgan. Shuningdek, maqsadli, mazmuniy, jarayonli va natijaviy bloklardan tashkil topgan model taklif etilgan. Modelni amalga oshirishda loyiha asosida o'qitish, muammoli ta'lim, amaliy mashg'ulotlar va raqamli ta'lim vositalaridan foydalanish imkoniyatlari ko'rib chiqilgan.