DAVLAT XIZMATCHILARINING EMOTSIONAL INTELLEKT DARAJASINING KASBIY KOMPETENTLIGIGA TA'SIRI

Bugungi kunda davlat xizmatini takomillashtirish jarayonida xodimlarning kasbiy bilim va ko'nikmalari bilan bir qatorda ularning psixologik xususiyatlarini, xususan emotsional intellekt darajasini hisobga olish muhim ahamiyat kasb etmoqda. Davlat xizmatchisi faoliyati doimiy ravishda fuqarolar bilan muloqot, murakkab vaziyatlarda tezkor qaror qabul qilish va hissiy jihatdan barqaror bo'lishni talab etadi, bu esa uning kasbiy kompetentligini shakllantirishda emotsional omillarning o'rnini dolzarb ilmiy-amaliy muammoga aylantiradi. Tadqiqotning maqsadi — davlat xizmatchilarining emotsional intellekt darajasi bilan kasbiy kompetentligi o'rtasidagi o'zaro bog'liqlikni O'zbekiston psixologlarining ilmiy yondashuvlari asosida aniqlash va nazariy jihatdan asoslashdan iborat.