TIZIMLI-FAOLIYATLI YONDASHUV ASOSIDA TALABALARDA TANQIDIY FIKRLARGA ASOSLANGAN AXBOROT MADANIYATINI RIVOJLANTIRISH MEXANIZMLARI

Ushbu maqolada oliy ta'lim muassasalari talabalarida axborot madaniyatini rivojlantirish va ularda tanqidiy fikrlash ko'nikmalarini shakllantirishning tizimli-faoliyatli yondashuvga asoslangan pedagogik mexanizmlari ilmiy jihatdan tahlil qilingan. Axborot jamiyati sharoitida axborot oqimining tezkorligi, media-makondagi manipulyativ ta'sirlar va soxta (feyk) ma'lumotlar ko'paygan bir davrda talabalarning mustaqil, obyektiv va tahliliy fikrlash salohiyatini oshirish dolzarb masalalardan biridir. Tadqiqotda tizimli-faoliyatli yondashuvning metodologik asoslari, talaba shaxsini faol subyekt sifatida namoyon etish yo'llari hamda pedagogik-psixologik omillar yoritilgan. Shuningdek, axborot madaniyati va tanqidiy fikrlash o'rtasidagi uzviy bog'liqlik, ularni ta'lim jarayoniga integratsiya qilish bosqichlari hamda amaliy tavsiyalar ishlab chiqilgan.