Eighteenth-Century Ireland/Iris an dá chultúr : Ceapach léann Gaeilge an ochtú haois déag

Achoimre Tá An Cumann Éire san Ochtú Céad Déag agus an iris a fhoilsítear go bliantúil faoina choimirce, Eighteenth-Century Ireland/Iris an dá chultúr , ar an fhód le daichead bliain anuas. Cinneadh ón tús go dtabharfaí aire ar leith don scoláireacht faoin Ghaeilge agus go mbeadh polasaí dátheangach i bhfeidhm maidir le hailt agus léirmheasanna a fhoilsiú ar an iris. Féachtar san aiste seo le léargas a thabhairt ar an dóigh ar chothaigh an Cumann scoláireacht faoin Ghaeilge trí mheán na hirise mar aon le plé ar chás na teanga agus a cuid litríochta san ochtú haois déag. Tugtar aird, fosta, ar na húdair agus ar na téamaí éagsúla a ndearna siad ionramháil orthu sna hailt a foilsíodh ar an iris ó bunaíodh í sa bhliain 1986.