QANDLI DIABETDA GLYUKOZA–INSULIN DINAMIK MODELINING MATEMATIK TAHLILI VA PARAMETRLAR SEZGIRLIGI

Ushbu tezisda qandli diabet sharoitida glyukoza va insulin miqdorlarining vaqt bo'yicha o'zgarishini matematik modellashtirish masalasi o'rganiladi. Glyukoza insulin o'zaro ta'siri oddiy differensial tenglamalar tizimi yordamida ifodalanadi. Modelda glyukozaning organizmga kirishi, tabiiy sarflanishi va insulin ta'sirida kamayishi, shuningdek insulin hosil bo'lishi va parchalanishi hisobga olinadi. Modelning muvozanat nuqtasi, lokal barqarorligi va biologik ma'noga ega bo'lgan musbat yechimlari tahlil qilinadi. Shuningdek, model parametrlarining glyukoza dinamikasiga ta'sirini aniqlash uchun sezgirlik ko'rsatkichlari kiritiladi. Mazkur yondashuv glyukoza almashinuvi jarayonini matematik jihatdan o'rganish, muhim parametrlarni ajratish va kelgusida modelni uzluksiz glyukoza monitoringi ma'lumotlari bilan bog'lash uchun nazariy asos yaratadi.