SANOAT KORXONALARI INVESTITSIYALARINING SAMARADORLIGINI TA'MINLASH VOSITALARI

Mazkur tadqiqot sanoat korxonalarida investitsiyalar samaradorligini ta'minlash vositalarini takomillashtirishning nazariy va amaliy jihatlarini tadqiq etishga bag'ishlangan. Tadqiqotning maqsadi sanoat korxonalarida investitsiya resurslaridan samarali foydalanish, investitsiya loyihalarini tanlash va baholash hamda investitsion risklarni boshqarish asosida kapital qo'yilmalar samaradorligini oshirishning ustuvor yo'nalishlarini aniqlashdan iborat. Tadqiqot jarayonida tizimli yondashuv, qiyosiy tahlil, iqtisodiy-statistik tahlil, dinamik qatorlar va investitsiya samaradorligini baholash usullaridan foydalanilgan. Sanoat korxonalarida investitsiyalar samaradorligiga ta'sir etuvchi moliyaviy, ishlab chiqarish, bozor va institutsional omillar tizimlashtirilgan hamda ularning o'zaro ta'siri asoslangan. Investitsiya loyihalarini moliyaviy-iqtisodiy baholash, moliyalashtirish manbalarini diversifikatsiya qilish, investitsion risklarni boshqarish, investitsiya jarayonlarini monitoring qilish va raqamli texnologiyalardan foydalanishga asoslangan takomillashtirilgan yondashuv taklif etilgan. Tadqiqot natijalari sanoat korxonalarida investitsiya resurslaridan foydalanish samaradorligini oshirish, investitsiya loyihalarining iqtisodiy qaytimini ta'minlash va korxonalarning uzoq muddatli investitsiyaviy barqarorligini mustahkamlashga xizmat qiladi.