O'SMIRLIK DAVRIDA SHAXSIY IDENTIFIKATSIYANING SHAKLLANISHINING PSIXOLOGIK XUSUSIYATLARI

Mazkur maqolada o'smirlik davrida shaxsiy identifikatsiyaning shakllanish jarayoni psixologik nuqtai nazardan tahlil qilingan. O'smirlik — E. Erikson ta'biri bilan aytganda, "identifikatsiya — rol chalkashligi" bosqichi bo'lib, bu davrda shaxs o'zining jismoniy, ijtimoiy, kasbiy va qadriyat jihatidan kimligini anglashga intiladi. Maqolada J. Marsiyaning identifikatsiya statuslari nazariyasi (diffuz, moratoriy, bloklangan va erishilgan identifikatsiya) asosida tadqiqotning konseptual modeli ishlab chiqilgan hamda metodologik bosqichlar grafik sxemalar orqali yoritilgan. Identifikatsiya shakllanishiga ta'sir etuvchi omillar va uning buzilishi (identifikatsiya inqirozi) alomatlari tizimlashtirilgan holda taqdim etilgan.