YASHIRIN IQTISODIYOTNI QISQARTIRISH ORQALI SOLIQ BAZASINI KENGAYTIRISH MEXANIZMLARINI TAKOMILLASHTIRISH

Maqolada yashirin iqtisodiy faoliyatni formallashtirish orqali soliq bazasini kengaytirishning nazariy-metodologik va tashkiliy-iqtisodiy asoslari tadqiq etilgan. Soliq bazasini kengaytirish fiskal yukni oshirish emas, balki soliq munosabatlariga to'liq jalb etilmagan iqtisodiy qiymatni identifikatsiyalash va barqaror soliq bazasiga transformatsiya qilish orqali ta'minlanishi asoslangan. Yashirin iqtisodiyot sub'ektlarini soliq xavfi, formallashuv to'siqlari va fiskal salohiyati bo'yicha segmentatsiyalash hamda ularga differensiatsiyalangan ma'muriy ta'sir choralarini qo'llash taklif etilgan. Formallashuv samaradorligini sub'ektning rasmiy sektorda barqaror saqlanishi, soliq majburiyatlarini muntazam bajarishi va takrorlanuvchi budjet tushumlarini shakllantirishi orqali baholash zarurligi asoslangan. Natijada yashirin iqtisodiy faoliyatni rasmiy sektorga barqaror integratsiya qilish soliq bazasini kengaytirish va budjet barqarorligini ta'minlashning muhim ichki fiskal rezervi ekanligi aniqlangan.