SOLIQ IMTIYOZLARI VA PREFERENSIYALARINI OPTIMALLASHTIRISH ORQALI BUDJET BARQARORLIGINI TA'MINLASH

Maqolada soliq imtiyozlari va preferensiyalarini budjet barqarorligi nuqtai nazaridan optimallashtirishning nazariy-metodologik asoslari tadqiq etilgan. Imtiyozlar samaradorligini fiskal qiymat, iqtisodiy qo'shimchalik, maqsadlilik, fiskal qaytim, benefitsiarlar konsentratsiyasi, soliq bazasi eroziyasi riski va institutsional boshqaruv sifati bo'yicha kompleks baholash zarurati asoslangan. Shu maqsadda inventarizatsiya, benchmark rejimini aniqlash, soliq xarajatlarini hisoblash, kontrfaktual baholash va dalilga asoslangan qarorlarni birlashtiruvchi mexanizm hamda Tax Incentive Effectiveness Index (TIEI) taklif etilgan. Natijalar mazkur yondashuv soliq bazasi eroziyasini cheklash, soliq xarajatlarining iqtisodiy qaytimini oshirish va fiskal barqarorlikni mustahkamlashga xizmat qilishini ko'rsatadi.