O'ZBEKISTONDA DAVLAT BUDJETI DAROMADLARINING SHAKLLANISH TENDENSIYALARI VA FISKAL BARQARORLIKNI BAHOLASH

Mazkur maqolada O'zbekiston Respublikasi Davlat budjeti daromadlarining shakllanish tendensiyalari va ularning fiskal barqarorlik bilan o'zaro bog'liqligi tahlil qilingan. Budjet daromadlarini baholashda nominal tushumlar dinamikasi bilan cheklanmasdan, daromadlarning yalpi ichki mahsulotga nisbati, konsolidatsiyalashgan budjet saldosi, davlat qarzi, daromadlar tarkibi va ularning takrorlanuvchanligi kabi mezonlardan foydalanish zarurligi asoslangan. Tadqiqot natijalari 2016–2025-yillarda budjet daromadlari sezilarli nominal o'sgan bo'lsa-da, fiskal barqarorlik daromadlarning iqtisodiyotga nisbatan sig'imi, tarkibiy diversifikatsiyasi va real undiriluvchanligi bilan belgilanishini ko'rsatadi.