MARKAZIY OSIYO HAMKORLIGINING YANGI BOSQICHI

Mazkur maqolada Markaziy Osiyo davlatlari o'rtasidagi hamkorlikning so'nggi yillarda shakllanayotgan yangi bosqichi tahlil qilinadi. Asosiy e'tibor mintaqa ichidagi savdo va investitsiya aloqalarining kengayishi, iqtisodiy o'zaro bog'liqlikning kuchayishi, ilgari ziddiyat manbai bo'lgan chegara masalalarining bosqichma-bosqich hamkorlik vositasiga aylanishi hamda transport bog'liqligining rivojlanishiga qaratiladi. Shuningdek, Markaziy Osiyoning geografik jihatdan "berk" hudud sifatidagi an'anaviy talqinidan tranzit va mintaqalararo bog'lovchi makon sifatidagi yangi qarashga o'tish jarayoni ko'rib chiqiladi. Maqolada suv va energetika masalalarida ham manfaatlar qarama-qarshiligidan o'zaro maqbul yechimlarni izlashga asoslangan pragmatik yondashuv kuchayayotgani yoritiladi. Tahlil natijasida mintaqadagi yangi hamkorlik modeli faqat siyosiy muloqot bilan cheklanmay, savdo, infratuzilma, transport, chegaralar, suv va energetika kabi amaliy sohalarda o'zaro manfaatdorlikka tayangan holda rivojlanayotgani asoslanadi.