Erkən zahılıq dövrünün hipotonik qanaxmalarının profilaktikasında uterotonik preparatların effektliyi

Tədqiqatın məqsədi. Erkən zahılıq dövrünün hipotonik qanaxmalarının profilaktikasında uterotonik preparatların effektliyinin öyrənilməsi olmuşdur. Kliniki material və müayinə metodları. Aparılan tədqiqatda retrospektiv materiala daxil olan 100 hipotonik qanaxması olan qadınlarda istifadə olunan uterotonik preparatların effektliyi öyrənilmişdir. Qadınların orta yaşı 28,96±0,56 olmuşdur və 21-44 yaş arasında tərəddüd etmişdir. Tədqiqatın nəticələr və müzakirəsi Bütün qadınlarda qanaxmanın səbəbindən asılı olmayaraq dərhal olaraq vena daxili sistemlə 500ml fizioloji məhlulda 20 TV oksitosin 10 dəq müddətində, sonra isə 500 ml fizioloji məhlul+10 TV oksitosinin damcı üsulu ilə 1 saat 30 dəq. müddətində yeridilmişdir. Mərhələli olaraq venadaxili oksitosin yeridildikdən sonra uşaqlığın hipotonik qanaxması fonunda rektal 4 tablet 200 mkq mizoprostol yeridilmişdir. Beləliklə, uterotonik preparatların istifadəsi nəticəsində ümumi qan itkisinin azalması, zahılıq dövründə qan itkisinin həcminin 500 ml-dən az olması, zahılıq dövründə 1000 ml qan itkisinin tezliyinin nəzərə çarpacaq dərəcədə azalması, III dövrünün müddətinin azalması, zahı qadınlarda anemiya tezliyinin azalması qeyd edilmişdir.