O'ZBEKISTONDA HUDUDIY TURIZM MANZILLARINI BOSHQARISHNING AVTOMATLASHTIRILGAN AXBOROT MODELINI ISHLAB CHIQISHDA TA'SIR QILUVCHI OMILLARNI TAHLIL QILISH

Mazkur tadqiqot O‘zbekiston sharoitida hududiy turizm manzillarini boshqarish samaradorligini oshirish maqsadida avtomatlashtirilgan axborot modelini (AAM) ishlab chiqishga bag‘ishlangan. Tadqiqotda hududiy turizm boshqaruvida mavjud muammolar – raqamli infratuzilmaning sustligi, ma’lumotlar bazalarining fragmentarligi, integratsiya mexanizmlarining yetishmasligi va qaror qabul qilish jarayonlarida subyektivlikning yuqoriligi tizimli tahlil qilinadi. Ishda aralash metodologiya (mixed-methods) qo‘llanilib, tizimli tahlil, miqdoriy modellashtirish va empirik validatsiya bosqichlari amalga oshirilgan. UNWTO va OECD mezonlari asosida hududlar kesimida raqamli tayyorgarlik darajasi va xizmat sifati indikatorlari baholangan. Korrelyatsiya va regressiya tahlili orqali raqamli infratuzilma, xizmat sifati, investitsiyalar va transport kirish imkoniyatining turizm natijaviy ko‘rsatkichlariga ta’siri aniqlangan. Tadqiqot natijasida integratsiyalashgan avtomatlashtirilgan axborot modeli taklif etilib, uning amaliy joriy etilishi hududiy turizm boshqaruvida prognoz aniqligini oshirish, boshqaruv xarajatlarini kamaytirish va iqtisodiy samaradorlikni ta’minlashga xizmat qilishi asoslab berilgan.