Temzo preparatının yüksək effektli maye xromatoqrafiya ilə keyfiyyətinin təyini

İşin məqsədi: “Temzo” tabletində esomeprazolun miqdarının yüksək effektli maye xromatoqrafiya–kütlə spektrometriya/kütlə spektrometriya üsulu ilə analizidir. Material və metodlar. Eksperimental tədqiqatlar YEMX-MS/MS – Agilent - 1260 İnfinity (ABŞ) xromatoqrafında aparılmışdır. Hərəkətsiz faza “Zorbax SB-C18” (4,6 × 100 mm, 3,5 mkm) kolonkasıdır. Borunun temperaturu 400C, həlledicinin verilmə sürəti 0,4 ml/dəq, inyeksiya həcmi 5 mkl-dir. Kütlə-spektrometriya analizi zamanı cihaz parametrləri də optimallaşdırılmış və qazın axın sürətinin 12 ml/dəq, temperaturun 350°C, nebulayzer təzyiqinin 50 psi, kapilyar gərginliyinin isə 4500 V olduğu müəyyən edilmişdir. Nəticə. Beləliklə, YEMX–KS/KS ilə aparılmış eynilik və miqdarı təyini "Temzo" preparatının rutin keyfiyyətə nəzarətində etibarlı, dəqiq və tətbiq üçün yararlı analitik üsul kimi qiymətləndirilə bilər. “Temzo” preparatında esomeprazolun YEMX-KS-KS üsulu ilə miqdarı təyini məqsədlə optimal xromatoqrafik şərait seçilmişdir. Araşdırmalar zamanı müəyyən edildi ki, tədqiq edilən maddənin xromatoqramlarda zirvə sahələri yaxşı ayrılır, həlledicinin, köməkçi maddələrin və əsas təsiredici maddənin zirvə sahələrinin təyin edil¬mə¬sinə maneçilik göstərmir. Təqdim edilən üsul “Temzo” preparatının keyfiyyətinə nəzarəti həyata keçirməyə imkan verir.