MEDIA KONTENT JANRLARI TRANSFORMATSIYASIDA SUN'IY INTELLEKTNING ROLI

Mazkur tezisda zamonaviy media makonida sun’iy intellekt texnologiyalarining jadal rivojlanishi natijasida media kontent janrlarida yuz berayotgan transformatsiya jarayonlari tahlil qilinadi. Tadqiqotda sun’iy intellektning kontent yaratish, qayta ishlash va tarqatishdagi o‘rni, uning jurnalistika janrlariga ta’siri hamda an’anaviy janrlarning yangi, interaktiv va multimediaviy shakllarga o‘tishi yoritiladi. Shuningdek, data jurnalistika, avtomatlashtirilgan yangiliklar ishlab chiqarish va giper-shaxsiylashtirilgan kontent fenomenlari ilmiy asosda ko‘rib chiqiladi. Ishda sun’iy intellektning media sohasidagi imkoniyatlari bilan bir qatorda, deepfake, axborot ishonchliligi, algoritmik xolislik kabi dolzarb muammolar ham tahlil qilinadi.