Автоматски систем за наводнување управуван од Arduino микроконтролер

Во овој труд е претставен дизајн и реализација на автоматски систем за наводнување управуван со Arduino микроконтролер. Целта на системот е ефикасно користење на водата преку автоматизирано наводнување на растенијата врз основа на мерењата на влажноста на почвата. Системот користи сензори за влажност кои постојано ја следат состојбата на почвата и испраќаат податоци до Arduino микроконтролерот. Врз основа на поставен праг, микроконтролерот автоматски ги активира релеата на кои се приклучени вентилите за наводнување, со цел постигнување на поставените параметри за влажност. Овој систем овозможува намалување на човечката интервенција, заштеда на вода и одржување на оптимални услови за раст на растенијата. Исто така, трудот опфаќа анализа на перформансите на системот, неговата економичност и можностите за понатамошен развој, како и интеграција со безжични комуникациски модули за далечинско управување.