Влијанието на средствата за заштита на виновата лоза врз животната средина – реалност и предизвици за одржливо лозарство

Виновата лоза (Vitis vinifera L.) претставува една од најстарите и најзначајни земјоделски култури, но како и сите растителни видови, таа е изложена на болести, штетници и неповолни климатски фактори кои значително влијаат врз приносот и квалитетот на производот. Во современото лозарство, за заштита од овие ризици се применуваат различни средства за заштита на растенијата, меѓу кои најзастапени се пестицидите - фунгицидите, инсектицидите и хербицидите. Иако нивната употреба е од суштинско значење за одржување на продуктивноста и стабилноста на лозарското производство, истовремено претставува потенцијален извор на загадување на животната средина. Ова прегледно истражување има за цел да ги анализира причините, последиците и ризиците од примената на хемиските средства за заштита на виновата лоза, со посебен осврт на нивното влијание врз почвата, водата и воздухот.