Влијанието на климатските услови врз појавата и развојот на пламеница (Plasmopara viticola) кај виновата лоза во Виничкиот регион

Пламеницата кај виновата лоза (Plasmopara viticola) претставува една од најзначајните и најраспространети болести што се јавува речиси секоја вегетациска сезона и претставува сериозен проблем за лозарите. Болеста е присутна во сите лозарски региони каде што владеат поволни климатски услови, особено во топли и влажни години. Предизвикувачот е оомицетна габа која ги инфицира листовите, цветовите, ластарите и гроздовите, предизвикувајќи појава на жолтеникави флеки на горната страна од листот и белузлава мицелијална превлака на долната страна. Развојот на болеста е тесно поврзан со присуството на влага и соодветна температура, при што оптимални услови се релативна влажност над 85 % и температура од 18 до 25 °C.