„Ноември – Месец на науката 2025“ – Институт за хемија

Ова година, по шести пат, успешно беше реализирана манифестацијата „Ноември – месец на науката“, во организација на Сојузот на хемичарите и технолозите на Македонија како координатор, со поддршка од Македонското биолошко друштво, Сојузот на математичарите на Македонија, Македонското географско друштво, Македонското еколошко друштво, Македонското и Скопското астрономско друштво, како и Природно-математичкиот факултет. Настанот се одржа на Институтот за хемија при Природно-математичкиот факултет во Скопје и понуди богата програма составена од научно-популарни предавања, демонстрации од страна на учениците, „Хемиски спектакл“, работилници од областа на природните науки и математиката, како и презентации на наставници посветени на размена на искуства и идеи за унапредување на наставата.