Компоненти на принос кај некои интродуирани генотипови на пролетен јачмен

Целта на оваа испитување беше да се утврди генетскиот и еколошкиот ефект врз приносот на зрно кај некои интродуирани генотипови на пролетен јачмен одгледувани во Република Македонија. Како материјал за испитување се користени три сорти и четири перспективни генотипови на пролетен јачмен од Р Бугарија и тоа: Venera, Denis, Saveliјa, Kt 341, Kt 1717, Kt 1720 и Kt 1742. Испитувањата се направени во 2025 година на опитното поле на Земјоделскиот факултет при Универзитетот ,,Гоце Делчев“ - Штип во Овче Поле. Истражувањето на овие седум генотипови на пролетен јачмен е направено според рандомизиран блок-систем во три повторувања. Просечниот принос на пролетен јачмен кај испитуваните генотипови варира од 2,40 t/ha до 4,18 t/ha. Највисок принос даде сортата Denis (4,18 t/ha), а најнизок сортата Saveliјa (2,40 t/ha), што е апсолутно за 74,16 % повисок принос на зрно по единица површина. Сортите Venera, Savelija и генотипот Kt 1717 имаат пониски вредности кај повеќе следени параметри, што укажува на послаб адаптациски и приносен потенцијал во услови на Овче Поле во годината на испитување, додека генотиповите Kt 341, Kt 1742, Kt 1720 и сортата Denis имаат повисоки регистрирани вредности на испитуваните параметри како што се должина на клас, број на зрна во клас, поголема апсолутна маса на зрна, поголема хектолитарска маса и поголем принос на зрно по единица површина. Клучни зборови: јачмен, генотипови, сеидба, сорти, принос