NƏQLIYYAT QƏZALARI NITİCƏSİNDƏ TRAVMA ALMIŞ XƏSTƏLƏRIN MÜALICƏSININ MƏHKƏMƏ-TIBBI EKSPERTIZA YOLU ILƏ QIYMƏTLƏNDIRILMƏSI

Məqalədə yol-nəqliyyat hadisələri ilə bağlı xəstələrin müalicəsinin məhkəmə-tibbi ekspertizasına qiymət verilir. Hazırkı tədqiqat 5-dən 75 yaşa qədər çoxsaylı travması olan 300 xəstə üzərində aparılmış retrospektiv, təsviri və analitik tədqiqatdır. Xəstələrin orta yaşı 32,12±14,08 il təşkil etmiş, travmaların əksəriyyəti (26,0%) 14-dən 25 yaş qrupuna aid olmuşdur. Tədqiqatın nəticələri göstərmişdir ki, 300 xəstədən 202-si (67,3%) kişi, 98-i (32,7%) qadın olmuşdur. Tədqiqat məlumatlarına əsasən, 18 xəstə (6,0%) penetrasiyaedici, 282 xəstə (94,0%) isə künt travmalar almışdır. Travmaların ən çox yayılmış səbəbi avtomobil qəzası olmuşdur – 195 hal (65,0%). Bu tədqiqatda isə motosikletlər yol-nəqliyyat hadisələrinin əksəriyyətinə – 35,0% (105 hal) səbəb olmuşdur. Yol-nəqliyyat hadisələrinin çoxunu qabaqlamaq mümkündür və təhlükəsizliyin təmin edilməsi qəza sayını azaltmağa kömək edəcəkdir. Yol-nəqliyyat hadisələrində zərərçəkənlərə vaxtında və düzgün yardım göstərilməsi, xüsusilə yaşlı insanlarda ölüm hallarının əhəmiyyətli dərəcədə qarşısını ala bilər.