AZƏRBAYCANIN ƏHALİSİNİN DEMOQRAFİK XARAKTERİSTİKALARININ DİNAMİKASININ VƏ DƏYİŞMƏ FAKTORLARININ QİYMƏTLƏNDİRİLMƏSİ

Bu tədqiqat Azərbaycan əhalisinin demoqrafik göstəricilərinin dinamikasındakı əsas tendensiyaları müəyyən etmək məqsədilə aparılmışdır. 1960–2022-ci illər ərzində Azərbaycan Respublikasının əhalisinin demoqrafik göstəriciləri (illik orta əhali sayı, doğum səviyyəsi, ölüm səviyyəsi) araşdırılmışdır. Məlum olmuşdur ki, illik orta əhali sayı doğum səviyyəsinin müsbət təsiri ilə artım dinamikası nümayiş etdirir, lakin doğum səviyyəsi araşdırılan dövrdə davamlı azalma meyli göstərmişdir. Ən vacib müsbət demoqrafik amil kimi qeyd etmək olar ki, tədqiq olunan illərdə doğum və ölüm göstəricilərinin qrafikləri kəsişmir və Azərbaycan Respublikasında doğum səviyyəsi hər il ölüm səviyyəsindən 1,47–2,0 dəfə çoxdur. Müasir mərhələdə mənfi miqrasiya itkisinə baxmayaraq, əhalinin demoqrafik təhlükəsizliyinin əsas elementi hər bir vətəndaşın sağlamlıq vəziyyətidir. Əhali demoqrafik göstəricilərinin təhlili və keyfiyyətli, vaxtında tibbi xidmətlərin təşkili məqsədilə aparılacaq əlavə tədqiqatlar əhalinin həyat səviyyəsinin yaxşılaşdırılması yollarının işlənib hazırlanmasına imkan verəcəkdir.