"NODIRABEGIM" - O'ZBEK ADABIYOTI TARIXIDA YORQIN SHAXS

Mazkur maqolada XIX asrda Qo‘qon xonligining madaniy hayoti shakllanib, taraqqiy etgan davrda muhim o‘rin egallagan o‘zbek shoirasi va ma’rifatparvar ayol Nodirabegimning hayoti hamda ijodiy merosi keng yoritilgan. Unda shoirani yetishtirgan ijtimoiy-madaniy muhit, uning adabiy yo‘li va ijodiy tamoyillari, shuningdek, davlat hayotidagi faol ishtiroki tahliliy yondashuv asosida ko‘rib chiqilgan. Maqola Nodirabegimning nafaqat she’riyatdagi o‘rni, balki ma’rifat targ‘ibotchisi sifatidagi faoliyati orqali o‘z davrining madaniy taraqqiyotiga qo‘shgan hissasini ochib beradi. Uning ijodi orqali ayolning jamiyatdagi mavqei, fikr erkinligi va ma’naviy yetukligi kabi masalalar ham nazardan chetda qolmagan.