TALABALARNING KARTOGRAFIK KOMPETENTLIGINI RIVOJLANTIRISHDA DASTURIY VOSITALARNING O'RNI VA AHAMIYATI

Jahon ta’lim sohasida o‘qitishning zamonaviy didaktik vositalarini kengroq joriy etish orqali bo‘lajak muhandislarning zamonaviy texnik va texnologik bilimlarini rivojlantirish va kengaytirishga alohida e’tibor qaratilmoqda. Xalqaro pedagogik tajribalarga ko‘ra, texnika yo‘nalishi oliy ta’lim muassasalarida “Geodeziya, kartografiya va kadastr” sohasi bo‘yicha muhandis kadrlarni kasbiy faoliyatga tayyorlash tizimida AutoCAD, ArcGIS, Panorama, 3D terrain, Map Info kabi grafikli dasturlar asosida ishlab chiqilgan elektron o‘qitish vositalarining yangi avlodlarini yaratish va ulardan foydalanish borasida keng ko‘lamli ishlar amalga oshirilmoqda.