ƏCZAÇILIĞIN MÜASİR PROBLEMLƏRİ

Azərbaycan əczaçılığının inkişafı dərin köklərə malik olub, müvəffəqiyyətli bir intibah dövrü keçmişdir və bu barədə “Əczaçılığın müasir problemləri” mövzusunda Azərbaycan Əczaçılarının V Elmi Konqresinin materialları toplusunda geniş məlumat verilmişdir. Bax: Tahir Süleymanov Azərbaycan Əczaçılığının inkişafı: nailiyyətlər və perspektivlər // “Əczaçılığın müasir problemləri” mövzusunda V Beynəlxalq Elmi Konqresin materialları, Bakı, 2021, səh. 3-9. Azərbaycan əczaçılarının, eləcə də Azərbaycan Əczaçıları Assosiasiyasının fəaliyyəti elmi və praktik əczaçılığın, həmçinin respublika əhalisinin sağlamlığının qorunması kimi məsələlərə dair ölkənin qanunverici və icra hakimiyyəti orqanlarının əmr və qərarlarına müvafiq olaraq həyata keçirilmişdir. Hesabat düvründə Respublika əczaçıları tərəfindən həyata keçirilən vəzifələr və qazanılan nailiyyətləri 3 istiqamətdə qruplaşdırmaq olar: 1) əczaçı kadrların hazırlanması; 2) elmi-tədqiqat işləri; 3) praktik əczaçılıq (dərman təchizatı və istehsalat) və təşkilatı fəaliyyət.