Tixutert n tmezgunt deg uselmed/almad n tutlayt n tmaziɣt. Amedya: Asif n tisselbi i d-yettwasuɣlen seg taɛrabt.

Amagrad-a yewwi-d ɣef txutert n uselmed/almad n tutlayt tmaziɣt s umezgun, amedya tamezgunt n Tawfik El-Hakim yettwasuɣlen ilmend n yidles amaziɣ. Tazrawt-a treṣṣa ɣef yinefkan n tsastant i nga s udiwenni d yiselmaden akked temsirin i neḥḍer deg tneɣrit. Tasleḍt n yinefkan i d-negmer tessken-d dakken iswan n uselmed n umezgun d asnerni n tzemmar tutlayanin n yinelmaden, asenfali n yiḥulfan-nsen s sshala d useqdec n tfekka i usiweḍ n yizen war ameslay. Almad s wurar n temrayt itekkes lxiq i yinelmaden, yettak-asen lebɣi iwakken ad ɣren, yerna yettɛawan-iten deg lebni n teklisent[1]-nsen. [1] Psychologie.