Relations Between Georgia and the North Caucasus in the 11th Century

XI საუკუნის დასაწყისისთვის ფეოდალური საქარ­თ­ვე­ლო პოლიტიკურად ერთიანი სახელმწიფოა და სოციალურ-ეკონომიკური თვალ­სა­ზრისით განვითარების ახალ საფეხურზე დგას. XI საუკუნის 30-50-იან წლე­ბ­ში საქართველოს სახელმწიფოს წინაშე შემდეგი საგარეო-პო­ლი­ტი­კური ამოცანები დგას: ბიზანტიის იმპერიის დამორჩილებისგან თავის დაღწევა და ეროვნული სუვერენიტეტის მოპოვება. პოზიციების განმტკიცება კავკასიაში და მოკავშირეების მოძიება. საქართველოს ერთ-ერთ ასეთ მოკავშირედ ით­ვ­ლებოდა ოვსეთის სამეფო. ამ დროისთვის ოვსეთის სამეფოს პო­ლი­ტი­კუ­რი წო­ნა გაორმაგდა. X საუკუნეში ჩამოყალიბებული ოვსეთის მძლავრი სა­მე­ფო მაშინვე იქცა აქტიურ სამხედრო-პოლიტიკურ ძალად მთელს კავ­კა­სი­ა­ში, რო­მე­ლიც ანგარიშვალდებული იყო მეზობელი სახელმწიფოების, მათ შორის ბი­ზანტიის იმპერიის წინაშე. XI საუკუნეში ქართველი მეფეები გიორგი I და ბა­გ­რატ IV დი­ნა­სტიური ქორწინების გზით ცდილობდნენ სამხედრო-პო­ლი­ტი­კური კავ­ში­რის დამყა­რე­ბას ოვსეთის სამეფოსთან და მის ანტიბიზანტიურ კოალიციაში შეყვანას.